Բացման գալա համերգ «Հայ վիրտուոզներ» միջազգային ակադեմիա-փառատոն

Երևանի երիտասարդական նվագախումբը հանդես եկավ «Երաժշտություն հանուն ապագայի» հիմնադրամի կողմից իրականացվող «Հայ վիրտուոզներ» միջազգային ակադեմիա-փառատոնի բացման հանդիսավոր համերգին՝ ազդարարելով այս յուրահատուկ կրթամշակութային նախաձեռնության մեկնարկը, որը նպատակ ունի դառնալու Հայաստանի դասական երաժշտության կարևորագույն իրադարձություններից մեկը։

Միավորելով երիտասարդ երաժիշտներին, ոլորտի առաջատար մասնագետներին և միջազգային փորձը՝ փառատոնը ձևավորում է հարթակ ստեղծագործական աճի, համագործակցության և փորձի փոխանակման համար։