Ալ Բուստան միջազգային փառատոն

Երևանի երիտասարդական նվագախումբը մասնակցեց Ալ Բուստան միջազգային երաժշտական փառատոնին՝ Էմիլ Բուստանի համերգասրահում ներկայացնելով Պուչինիի «Ջիաննի Սկիկի» օպերան: Միջոցառումն իրականացվեց Իտալիայի դեսպանության հովանու ներքո և միջազգային առաջատար մշակութային կառույցների համագործակցությամբ։

Դիրիժոր Ջանլուկա Մարչիանոյի ղեկավարությամբ և գլխավոր դերում աշխարհահռչակ բաս-բարիտոն Բրին Թերֆելի, ինչպես նաև Լաուրա Ֆորտինոյի (Լաուրետտա), Բեշարա Մուֆարեջի (Ռինուչո), Բելլա Ամարյանի (Զիտա) և այլ նշանավոր արտիստների մասնակցությամբ ներկայացումը միավորեց միջազգային փորձն ու երիտասարդական էներգիան՝ մատուցելով Պուչինիի կատակերգական գլուխգործոցի յուրատիպ մեկնաբանություն։